Vajra Bimore

Vaji i Kaledulës është një vaj i jashtëzakonshëm për përdorim kozmetik dhe për mirëqënien e lëkurës. Ka veti qetësuese dhe rigjeneruese. Rekomandohet si zbutës dhe freskues për lëkurën e fëmijëve dhe personave të moshuar; ndihmon në qetësimin e skuqjeve dhe irritimeve të lëkurës.Karotenoidet në përmbajtjen e lules së Kalendulës stimulojnë prodhimin e qelizave të reja epiteliale, duke luftuar veprimin e radikaleve të lira.

Kanella është një erëz e njohur dhe e  përdorur prej mijëra vjetësh nga njeriu.Sipas studiuesve, mes 26 erëzave më të përhapura në botë, kanella renditet në vendin e parë, për shkak të vetive mbrojtëse antioksidante.Aroma unike, ngjyra dhe shija e kanellës është për shkak të vajit në përmbajtjen e saj.Vetitë e jashtëzakonshme të kanellës, mund të merren nëpërmjet lëvores së saj, vajit esencial, ose e ekstraktuar në vaj bimor. Përmbajtja me fenole, flavonoide i japin vajit të kanellës veti antioksidante, anti-inflamatore, anti-diabetike, anti-mikrobiale, si dhe forcon sistemin imunitar, duke pakësuar mundësitë e kancerit dhe sëmundjeve të zemrës.

Vaji i karrotës është një preparat 100% natyral. Ai nxirret nga fruta e karrotës dhe farat e saj, të cilat shtrydhen në gjendje të ftohtë, për mos t’i ndryshuar strukturën e saj kimike dhe për të siguruar efektivitet maksimal në përdorimin mjekësor.Vaji i karrotës është një burim i pasur i karotinës që është substancë e domosdoshme në fuqizimin e shikimit me të dy llojet e saj: alfa dhe betakarotinë.

Vaji i kastorit (ose siç quhet shpesh vaji i ricinit) shquhet për një spektër mjaft të gjerë përdorimi dhe me efekte të shkëlqyera për çdo gjë që përdoret: flokët, fytyrën lëkurën!Ajo që e bën të veçantë këtë vaj është është përmbajtja në nivele të larta të një acidi  të rrallë yndyror që quhet acidi ricinoleik, i cili mund të gjendet vetëm në këtë vaj dhe në disa lloje të kërpudhave. Për shkak të këtij acidi, vaji i ricinit ka veprim të forte anti-inflamator. Por vlerat e vajit të kastorit nuk mbarojnë këtu; ai është  hidratant, nutrient, eksfoliant, balsamik, astringent, cikatrizant, duke plotësuar në këtë mënyrë një gamë mjaft të gjerë të efekteve në lëkurë; përveç kësaj, zgjat flokët, eleminon rënien, u jep flokëve jetë, etj.

Është një vaj bimor për përdorim kozmetik, për trajtimin e lëkurës, për të ndihmuar rigjallërimin e aktivitetit natyral të epidermës. Është i pasur me Acide Polinsature dhe Vitaminë E, të cilat ndihmojnë fort me vetitë e tyre antioksidante.

“Balsam magjik” është konsideruar vaji i lule basamit në shumë kultura anembanë globit! Për qindra e qindra vjet, përzierja e vajit të ullirit me lule basanin ka qenë trajtimi kryesor për kurimin e plagëve pas luftrave, rigjenerimin e lëkurës, sëmundjeve të brendshme, etj. Kurse çaji i lule basanit përdorej si një çaj qetësues me efekte të fuqishme. Në farmacitë e fillimit të shekullit të njëzetë, kjo përzierje njihej si “vaji i kuq”, ose Hypericum liniment.Sot, vaji i lule basanit është trajtuesi kryesor dhe më i fuqishëm për shërimin e ulçerës së stomakut dhe duodenit, për mjekimin e plagëve (sidomos plagëve post-operatore në kokë), kundër djegieve, traumave muskulare; rezultativ në reduktimin dhe eleminimin e plotë të afshit të menopauzës; për mjekimin e bronshitit dhe astmës; është i mrekullueshëm për çdo lloj problem infektiv të lëkurës; tepër efikas për trajtimin e dhimbjeve të kyçeve dhë sëmundjeve reumatizmale; për dhimbjet e kokës, veshkave, anginës, etj.Mjaft efektiv është vaji i lule basanit kundër ankthit dhe depresionit. Kërkimet shkencore rezultojnë se lulja e basanit mund të ndihmojë në kurimin e formave të lehta dhe të mesme të depresionit. Për më tepër, këto kërkime shtojnë së kjo bimë ka efekte anësore më të pakta dhe më të lehta krahasuar me mjekimet antidepresive.Por kujdes! Vaji i lule basanit mund të bashkëveprojë me mjekime të caktuara që merren për të kuruar depresionin, prandaj duhet që gjithmonë të merret nën supervizimin e mjekut.